دیا جوان، شاعیر و رۆشنبیری کوردی رۆژئاوای کوردستان لە شاری دهۆک کۆچی دوایی کرد.
دیا جوان لە دایکبووی 1953ـی شاری قامشلۆی رۆژئاوای کوردستانە و لە 1975 هاوسەرگیری کردووە و چووەتە شام و لە 1977ـەوە دەستی بە نووسین کردووە.
بەشێکی بەرچاو لە بەرهەمە شیعرییەکانی وەرگێڕدراون بۆ زمانی عەرەبی و لە زۆربەی رۆژنامە و چاپکراوە کوردی و عەرەبییەکانی سووریا بەرهەمەکانی بڵاوکردووەتەوە.
لە ماوەی ژیانیدا، بەشداری لە خەباتی مەدەنی کردووە و لە چەندین رێکخراو و ناوەندی کولتووری و تایبەت بە پرسەکانی ژن بووەتە ئەندام و خەڵاتی رێکخراوی “ئوسمان سەبری” پێبەخشراوە.
لە هەرێمی کوردستانیش خەڵاتی “مەلای جزیری” لە بواری ئەدەبدا بەدەستهێناوە و لە لایەن وەزارەتی رۆشنبیری تونسەوە لە 2001دا خەڵاتی رێزلێنانی پێبەخشراوە.
دوای تەمەنێک لە خزمەتکردن، رۆژی چوارشەممە 26ـی شوباتی 2025، لە شاری دهۆک کۆچی دوایی کرد.