لەژێر دروشمی “ئێمە كوردین نابەزین”، رێوڕەسمی پەردە لادان لەسەر پەیكەری هونەرمەندی كورد فوئاد ئەحمەد بەڕێوەچوو.
لەژێر چاودێریی پارێزگاری هەولێر، كۆمەڵەی هونەر و وێژەی كوردی، مەڵبەندی گشتی- هەولێر رێوڕەسمەکەی سازکرد.
رێوڕەسمەکە بە ئامادەبوونی سیداد بارزانی، نوێنەری سەرۆك بارزانی و ژمارەیەك زۆر لە بەرپرسانی حكوومی و حزبی، هەروەها خانەوادەی هونەرمەند، نووسەران و رۆشنبیران و هونەرمەندان بەڕێوەچوو و پەیکەرەکە لە چاورڕێیانی سافی نزیك زانكۆی كوردستان دانرا.
لە رێوڕەسمەکەدا، وتاری پارێزگاری هەولێر و وتاری بنەماڵەی هونەرمەند پێشكەشكرا.
پاشان لەلایەن گرووپی چەمبەر موزیك و هونەرمەندانی هەولێر، چەند بەرهەمێکی فوئاد ئەحمەد پێشكەشكران.