رۆژی دووشەممە، بۆ یەکەمین جار کتێبخانەى بەڕیوەبەرایەتى ئەوقافى هەولێر کرایەوە.
کتێبخانەکە بەئامادەبوونى پشتیوان سادق، وەزیرى ئەوقاف و ئومێد خۆشناو، پارێزگارى هەولێر و بەڕێوەبەرى گشتیى ئەوقاف و بەڕێوەبەرى ئەوقافى هەولێر و ژمارەیەک لە مامۆستایان و پیاوانى ئاینى کرایەوە.
لە رێورەسمى کردنەوەى کتێبخانەکە، پارێزگارى هەولێر، دواى بەسەرکردنەوەى بەشەکانى دەستخۆشی لە بەرێوەبەر و فەرمانبەر و کارمەندانى بەڕێوەبەرایەتى ئەوقافى هەولێر کرد، لە بەرامبەر هەوڵ و ماندبوون و ئامادەکاریان بۆ کردنەوەی کتێبخانەکە.
کتێبخانەکە بۆ هەموو بوارە جیاوازەکان و بەلایەنى کەم نزیکەى دوو هەزار ناونیشان و سەرچاوەى گرنگى زانستى، شەرعى، ئاینى، فیقهى ئیسلامى، پێکەوژیان، ئاینەکان و ئەدەبى لەخۆ گرتووە.
بۆ یەکەم جارە لە بەڕێوەبەرایەتى ئەوقافى هەولێر کتێبخانەیەکى لەم شێوەیە دەکرێتەوە، ئێستا کتێبخانەکە کراوەتەوە و پێشوازیى لە خوێنەران و توێژەران دەکات بە تایبەت بۆ قوتابیانی خوێندنى باڵا کە پێویستیان بە سەرچاوەى زانستییەکانە.