ئەستێرە سام کلافلین کە رۆڵی سەرکردەی فاشیست “ئۆزواڵد مۆزلی”ی دەگێڕا لە زنجیرەی بەناوبانگی “Peaky Blinders”، بە فەرمی پشتڕاستی کردەوە کە بەشداری لە فیلمی سینەمایی “The Immortal Man”ـی زنجیرەکەدا ناکات. کلافلین لە لێدوانێکیدا گوتی: “پێویستە دەنگۆکان بوەستێنم، من بەشدار نیم، بەڵام زۆر بە پەرۆشم بۆ بینینی”.
ستیڤن نایت، داهێنەری زنجیرەکە، ئاماژەی بەوە کردووە، رەنگە چیرۆکەکە بە فیلم کۆتایی نەیەت. بی بی سی رەزامەندی لەسەر وەرزی حەوتەمی زنجیرەکە داوە کە رووداوەکانی لە ساڵانی 1950ـدا دەبێت و رەنگە کیلیان مێرفی وەک “تۆمی شێڵبی”ی بەتەمەن بگەڕێتەوە بۆ سەرپەرشتیکردنی نەوەی نوێی دارودەستەکە.