لیۆناردۆ دی کاپریۆ، کە وەک کەسایەتی هونەری ساڵی ٢٠٢٥ لەلایەن گۆڤاری تایمەوە دیاری کراوە، لەگەڵ دەرهێنەری گەورە مارتن سکۆرسیزی دیدارێکیان ئەنجامدا و باسیان لە کارە نوێیەکەیان کرد.
هەردوولا ئاشکرایان کرد، لە مانگی شوباتی داهاتوودا دەست بە وێنەگرتنی حەوتەمین فیلمی هاوبەشیان دەکەن.
دی کاپریۆ ئاماژەی بەوە دا، ئامادەکارییەکانیان چەندین مانگ دەخایەنێت و پشت بە گفتوگۆی ورد دەبەستێت.
دی کاپریۆ پەشیمانی خۆی دەربڕی کە ساڵانێک پێش ئێستا ڕەتیکردووەتەوە بەشداری لە فیلمی (Boogie Nights)دا بکات و بە “گەورەترین پەشیمانی پیشەیی” وەسفی کرد.
هاوکات سکۆرسیزی ئاماژەی بەوە دا، فیلمی (The Aviator) خۆشەویستی بۆ سینەما بۆ گەڕاندووەتەوە.