لە ساڵانی کۆتاییدا، ژمارەیەک لە ناودارترین ژنە ئەستێرەکانی هۆڵیوود بڕیاریانداوە تەنیا لەبەردەم کامێرا نەمێننەوە، بەڵکو بچنە پشتی کامێرا و وەک دەرهێنەر چیرۆکەکان بە دیدی خۆیان بگێڕنەوە. ئەم وەرچەرخانە وەک هەوڵێک بۆ شکاندنی وێنە باوەکان و سەلماندنی توانای سەرکردایەتی ژنان دەبینرێت.
جێنیفەر لۆپێز ڕایگەیاندووە، هیچ سنوورێک بۆ خەونەکانی نییە و دەیەوێت لە بواری دەرهێنان و نووسیندا زیاتر پەرە بە خۆی بدات.
ئەنجێلینا جۆلی، دەرهێنانی وەک پەیامێکی مرۆیی بەکارهێناوە بۆ گێڕانەوەی چیرۆکی ئازار و جەنگەکان لە سوچی جیاوازی جیهاندا.
گریتا گیرویگ، توانیویەتی نەوەیەکی نوێی سینەما دروست بکات و بە فیلمی (باربی) سەلماندی کە دیدی مێینە دەتوانێت سەرکەوتنی جیهانی گەورە بەدەستبهێنێت.
ریس ویسەرسپوون، تەنیا وەک دەرهێنەر نا، بەڵکو وەک بەرهەمهێنەریش کار دەکات بۆ ئەوەی دەرفەتی زیاتر بۆ ژنان لە سینەمادا بڕەخسێنێت.
کەیت وینسڵێت، دوای سێ دەیەی پڕ لە ئەزموون، پێی وایە کاتی ئەوە هاتووە چیرۆکەکان لە گۆشەنیگایەکی قووڵترەوە نیشانی بینەر بدات.