ئەلیک باڵدوین، ئەکتەری بەناوبانگی ئەمریکی، جارێکی دیکە کەوتەوە ناو چەقەی ململانێ یاساییەکان و ئەمەش نیگەرانییەکی زۆری لای هەوادارانی دروست کردووە. باڵدوین کە تەمەنی ٦٧ ساڵە، بەدەست خەمۆکی و فشارێکی دەروونی توندەوە دەناڵێنێت، ئەوەش دوای ئەوەی دۆسیەی فیلمی (Rust) جارێکی دیکە سەر هەڵدایەوە.
ئەم کێشەیە دەگەڕێتەوە بۆ ساڵی ٢٠٢١، کاتێک لە کاتی وێنەگرتنی فیلمەکەدا فیشەکێکی ڕاستەقینە لە دەستی باڵدوینەوە دەرچوو و بووە هۆی گیانلەدەستدانی هالیینا هاتچینز، بەڕێوەبەری وێنەگرتن. هەرچەندە باڵدوین لە زۆربەی تۆمەتەکان بێبەری کرا، بەڵام ئێستا سێس کینی، خاوەنی کۆمپانیای دابینکردنی چەک، سکاڵایەکی نوێی لە دژی تۆمار کردووە و تۆمەتباری دەکات بەوەی ویستوویەتی ئەو بکاتە “قوربانی” بۆ ڕزگارکردنی خۆی.
سەرچاوە نزیکەکان دەڵێن ئەم جەنگە یاساییە باڵدوینی لە ڕووی داراییەوە داڕماندووە و ملیۆنان دۆلاری لە پارێزەراندا خەرج کردووە، جگە لەوەی ناوبانگی لە پاشەکشەدایە و وەک پێشتر گرێبەستی کارکردنی بۆ نایەت، ئەمەش بارگرانییەکی گەورەی لەسەر ژیانی تایبەتی دروست کردووە.