فیلمی ئەنیمەیشنی “Zootopia 2” کە بەرهەمی کۆمپانیای واڵت دیزنییە، توانی داهاتەکەی بگەیەنێتە یەک ملیار و ٤٦٤ ملیۆن دۆلار، لەو کاتەوەی لە مانگی تشرینی دووەمی رابردووەوە لە سینەماکانی جیهان نمایش کراوە.
چیرۆکی فیلمەکە بەردەوامیی بەشی یەکەمە و باس لە جۆدی هۆبس و نیک وایڵد دەکات کە وەک دوو هاوبەش لە پۆلیسی زۆتۆپیا کار دەکەن.
لەم بەشەدا کارەکتەری (گاری) کە مارێکی ژەهراوی و کۆمیدییە و کەی هۆی کوان دەنگی پێدەدات، هاوسەنگی شارەکە تێکدەدات.
فیلمەکە لە رووی تەکنیکییەوە بازدانێکی گەورەیە، بەوپێیەی زیاتر لە ١٧٠ کارەکتەری جیاوازی تێدایە. جێنیفر گۆدوین و جەیسۆن بێتمان وەک ئەکتەری سەرەکی دەنگی گەڕاونەتەوە و شاكیراش بە کارەکتەری (گازێل) بەشدارە.