بەرنامەی ڕاستی “The Traitors” کە لەسەر پلاتفۆرمی “Peacock” نمایش دەکرێت، پەیامێکی توندی ئاراستەی بینەرانی کرد سەبارەت بە ڕێزگرتن لە ئەکتەرەکان.
دوای بڵاوبوونەوەی چەندین کۆمێنتی نەرێنی و هێرشی کەسی بۆ سەر بەشداربووانی وەرزی چوارەم، بەرنامەکە لە هەژماری فەرمی خۆی ڕایگەیاند کە پێویستە جیاوازی بکرێت لە نێوان گفتوگۆکردن لەسەر بەرنامەکە و سووکایەتیکردن بە مرۆڤەکان.
ئەم کێشەیە کاتێک گەورەتر بوو کە کۆمیدیان ڕۆن فانشیز، یەکێک لە بەشداربووەکان، ڕایگەیاند کە بەهۆی کاردانەوە خراپەکانی خەڵک لە ئینتەرنێت، تووشی فشارێکی دەروونی زۆر بووە.
فانشیز ئاماژەی بەوە کرد، کۆمێنتەکانی خەڵک وایان لێکردووە بچێت بۆ لای پزیشکی پسپۆڕ و لەوێ بۆی دەرکەوتووە کە تووشی نەخۆشی “ئۆتیزم” بووە بە بێ ئەوەی پێشتر بزانێت.
بەرنامەکە جەختی کردەوە کە ئەکتەرەکان مرۆڤی ڕاستەقینەن و هەست و سۆزیان هەیە، و نابێت یارییەک ببێتە هۆی تێکدانی ژیانی تایبەتی کەسەکان. ئەم پەیامە هەوڵێکە بۆ دروستکردنی کەشێکی تەندروستتر لە نێوان بینەران و ئەستێرەکانی شاشە.