بڕیارە لە 27 شوباتی 2026، بەشی حەوتەمی زنجیرە فیلمە بەناوبانگەکەی ترسناک “Scream” لە سینەماکانی جیهان نمایش بکرێت.
ئەم بەشە نوێیە بە گەڕانەوەی ئەکتەری سەرەکی “نیڤ کامبڵ” لە ڕۆڵی “سیدنی پرێسکۆت” دەستپێدەکات، دوای ئەوەی لە بەشی شەشەمدا بەهۆی کێشەی گرێبەستەوە ئامادە نەبوو.
چیرۆکی ئەمجارە باس لە هەوڵەکانی سیدنی دەکات بۆ پاراستنی کچەکەی لە دەست بکوژێکی نوێ کە ماسکی “Ghostface”ی پۆشیوە.
بەرهەمهێنانی ئەم فیلمە ڕووبەڕووی چەندین ئاستەنگ بووەوە، لەوانە گۆڕینی ستافی دەرهێنان و دوورکەوتنەوەی ئەکتەرە گەنجەکانی وەک “جێنا ئۆرتێگا” و “میلیسا باریرا”.
لەگەڵ ئەوەشدا، فیلمەکە کۆمەڵێک ئەکتەری کۆن و نوێ کۆدەکاتەوە وەک کۆرتنی کۆکس و دەیڤید ئارکێت.
هەوادارانی ئەم زنجیرەیە بە پەرۆشەوە چاوەڕێی ئەم بەشە دەکەن کە بەڵێنی گەڕانەوە بۆ ڕەگ و ڕیشەی سەرەکی چیرۆکەکە و پێشکەشکردنی ئەزموونێکی جیاواز لە ترس و گومان دەدات.