نمایشی نیوەی کاتی یاری “Super Bowl 2026” گۆڕانکارییەکی گەورەی لە ڕیزبەندییە موزیکییەکانی جیهاندا دروست کرد. هونەرمەندی پۆرتۆریکۆیی، باد بانی، دوای نمایشە ناوازەکەی، توانی ڕێژەی گوێگرتن لە گۆرانییەکانی لە پلاتفۆرمی سپۆتیفای بە شێوەیەکی خەیاڵی زیاد بکات.
ئامارەکان دەری دەخەن، ڕێژەی گوێگرتن لە بەرهەمەکانی لەناو ئەمریکادا 470٪ و لەسەر ئاستی جیهانی 210٪ زیادی کردووە. ئەم سەرکەوتنە گەورەیە وایکرد باد بانی شەش پلەی یەکەمی لیستی گۆرانییە هەرە پڕگوێگرەکانی ئەمریکا داگیر بکات.
ئەم نمایشە کە بە جەژنی کولتووری لاتینی ناسرا، بە بەشداریی ئەستێرەکانی وەک ڕیکی مارتن و لەیدی گاگا ڕەنگینتر بوو.
گۆرانییە کۆنەکانی باد بانی وەک “Yo Perreo Sola” کە لە 2020 بڵاوکرابووەوە، بازدانێکی گەورەی بەخۆوە بینی و ڕێژەی گوێگرتنی گەیشتە 2170٪. ئەم دیاردەیە بیرخەرەوەی سەرکەوتنەکەی کێندریک لامار بوو لە ساڵی ڕابردوودا.
بە بڕوای شارەزایانی موزیک، سوپەر بۆڵی 2026 سەلماندی کە موزیکی لاتینی تەنیا شێوازێکی لۆکاڵی نییە، بەڵکو هێزێکی گەورەی جیهانییە کە دەتوانێت لە چەند کاتژمێرێکدا هەموو ڕیکۆردە دیجیتاڵییەکان بشکێنێت.