ئەنجێلینا جۆلی، ئەستێرەی جیهانی، دوای کۆتاییهاتنی تەڵاقەکەی لە براد پیت لە ساڵی 2024، کەوتووەتە ژێر کاریگەری دەنگۆی پەیوەندییەکی عاتیفی نوێ لەگەڵ لۆیس جاریالی ئەکتەری فەرەنسی.
ئەم دەنگۆیانە دوای دەرکەوتنیان پێکەوە لە فێستیڤاڵی پاریس بۆ فیلمی (Couture) زیادیان کرد. بەڵام سەرچاوە نزیکەکان بۆ پێگەی (TMZ) دووپاتیان کردەوە کە جۆلی ئێستا سینگڵە و تەنیا وەک هاوڕێ لەگەڵ جاریال دەردەکەوێت.
جۆلی تەمەنی 50 ساڵە و ئێستا تەواوی کاتی بۆ پەروەردەکردنی شەش منداڵەکەی و براندە نوێیەکەی بۆ مۆدە تەرخان کردووە. هەروەها بڕیاریداوە پاش گەورەبوونی منداڵەکانی، بە یەکجاری شاری لۆس ئەنجلۆس جێبهێڵێت بۆ ئەوەی دەست بە قۆناغێکی نوێ و ئارامتری ژیانی بکات.