کیلیان مۆرفی، ئەکتەری ئیرلەندی و براوەی ئۆسکار، بە وەڵامێکی سەرنجڕاکێش وەڵامی ئەو کەسانەی دایەوە کە پرسیاری چۆنیەتی مامەڵەکردنیان لەگەڵ ڕۆڵە قورسەکان لێ دەکرد.
مۆرفی کە تەمەنی 49 ساڵە و خەریکی ئامادەکارییە بۆ فیلمی (Peaky Blinders: The Immortal Man)، لە وەڵامی پزیشکێکدا گوتی: “نواندن پیشەیەکی ڕاستەقینە نییە، ئەگەر تۆ پزیشک بیت ئەوە پیشەی ڕاستەقینەیە”.
ئەو ئاماژەی بەوە کرد کە کارەکەی تەنیا گۆڕینی دەنگ و پۆشینی جلی جیاوازە بۆ کاتبەسەربردنی بینەران.
فیلمە نوێیەکەی کە درێژەپێدەری زنجیرە بەناوبانگەکەیە، لە ئێستاوە لە پێگەی (Rotten Tomatoes) نمرەی 91٪ـی بەدەستهێناوە و چاوەڕوان دەکرێت سەرکەوتنێکی بێوێنە بەدەستبهێنێت.