سەرەڕای هەبوونی پاسەوانی توند، ماڵی ئەستێرەکانی هۆڵیوود هەمیشە لەژێر هەڕەشەدایە.
لە نوێترین ڕووداودا، ماڵی ڕیهانا لە لۆس ئەنجلۆس ڕووبەڕووی تەقەکردن بووەوە، بەڵام خۆی سەلامەت بوو.
هەروەها پێشتر ماڵی درەیک لە تۆرۆنتۆ بووە گۆڕەپانی تەقەکردن و پاسەوانێک بریندار بوو. تایلۆر سویفت و کیم کارداشیان و جەستن بیبەر نموونەی تری ئەو ئەستێرانەن کە ڕووبەڕووی دزی، هێرش یان تێکدانی ماڵەکانیان بوونەتەوە.
بۆ نموونە کیم کارداشیان لە پاریس بە بەهای ملیۆنان دۆلار جەواهیری لێ دزرا، تایلۆر سویفتیش چەندین جار ڕووبەڕووی هەوڵی چوونەژوورەوەی هەوادارە توندڕەوەکانی بووەتەوە. ئەم ڕووداوانە دەیسەلمێنن کە ناوبانگ هەمیشە بە واتای ئارامی نایەت.