فیلمی خەیاڵی زانستی “Project Hail Mary” بە پاڵەوانێتی ئەستێرەی ناودار ڕایان گۆسلینگ، دەستپێکێکی مێژوویی لە سینەماکانی جیهاندا بۆ ساڵی 2026 تۆمار کرد.
فیلمەکە تەنها لە نمایشە سەرەتاییەکانیدا 12 ملیۆن دۆلاری کۆکردەوە و توانی ڕیکۆردی فیلمی “Scream 7” بشکێنێت.
چیرۆکی فیلمەکە لە ڕۆمانێکی نووسەر ئاندی وێر وەرگیراوە و باس لە گەردوونناسێک دەکات کە لە ناو کەشتییەکی ئاسمانی بە تەنها بەخەبەر دێت و یادەوەری لەدەستداوە، لە کاتێکدا ئەرکی ڕزگارکردنی خۆر و مرۆڤایەتی لەسەر شانە.
فیلمەکە لە دەرهێنانی فیڵ لۆرد و کریستوفر میلەرە و سیناریۆکەی لەلایەن درو گۆدارد نووسراوە.
ڕەخنەگران ستایشی لایەنە بینراوەکان و نواندنی گۆسلینگ دەکەن و پێشبینی دەکرێت داهاتی یەکەم هەفتەی بگاتە 65 ملیۆن دۆلار، ئەمەش دەبێتە گەورەترین سەرکەوتن لە مێژووی ستۆدیۆکانی.