بەپێی نوێترین ئامار کە ئەمڕۆ دووشەممە بڵاوکراوەتەوە، لە سەرەتای هەڵگیرسانی جەنگی نێوان (ئەمریکا و ئیسرائیل) لەلایەک و (ئێران) لەلایەکی ترەوە لە 28ی شوباتی ڕابردووەوە، هەزاران کەس لە ناوچەکەدا بوونەتە قوربانی.
ئێران بەپێی ڕێکخراوی (هرانا)، 3,230 کەس گیانیان لەدەستداوە، کە 1,406یان مەدەنین (لە نێویاندا 210 منداڵ هەن). لە بەرامبەردا حکومەتی ئێران گیانلەدەستدانی زیاتر لە 1,300 کەسی پشتڕاستکردووەتەوە.
لوبنان: دەسەڵاتدارانی لوبنان ڕایانگەیاندووە کە 1,029 کەس بەهۆی هێرشەکانی ئیسرائیلەوە کوژراون، کە زیاتر لە 100 کەسیان منداڵن.
عێراق: تەندروستی عێراق گیانلەدەستدانی لانیکەم 60 کەسی ڕاگەیاندووە (زۆربەیان چەکداری حەشدی شەعبین)، جگە لە کوژرانی کارمەندێکی بیانی لە هێرشێکی سەر کەشتییە نەوتهەڵگرەکان.
ئیسرائیل: 15 مەدەنی و 2 سەرباز کوژراون. هەروەها 4 ژنی فەڵەستینی لە کەناری ڕۆژئاوا بە موشەکی ئێران گیانیان لەدەستداوە.
ویلایەتە یەکگرتووەکانی ئەمریکا: سوپای ئەمریکا کوژرانی 13 سەربازی ڕاگەیاندووە؛ 6یان لە تێکشکانی فڕۆکەیەک لە عێراق و 7ی تریان لە کاتی ئۆپەراسیۆنەکان لە ناوخۆی ئێران.
کوەیت: دەسەڵاتدارانی کوەیت کوژرانی 6 کەسیان پشتڕاستکردووەتەوە، کە بەهۆی هێرشەکانی ئێران و ڕووداوە ئەمنییەکانەوە بوونەتە قوربانی.
