پلاتفۆڕمیHBO بە فەرمی تیشکی خستە سەر وەرزی سێیەمی زنجیرەی بەناوبانگی “Euphoria” لە ڕێگەی تایلەرێکی نوێوە کە گۆڕانکارییەکی گەورە لە ژیانی کەسایەتییەکاندا نیشان دەدات.
لەم وەرزەدا، چیرۆکەکە بازدانێکی کاتی پێنج ساڵە بەخۆوە دەبینێت و کارەکتەرەکان لە قۆناغی خوێندنی ئامادەییەوە دەگوازرێنەوە بۆ قۆناغی گەورەبوون و بەرپرسیارێتی. زەندایا لە ڕۆڵی “ڕو بێنت” دەگەڕێتەوە و وادیارە هێشتا لە ململانێدایە لەگەڵ ئالوودەبوون و کێشە یاساییەکان.
یەکێک لە سوپرایزەکانی ئەم وەرزە، زەماوەندی “کاسی” و “نات”ـە کە ڕەهەندێکی نوێ بە دراماکە دەبەخشێت.
هەروەها ئەکتەری کۆچکردوو “ئێریک داین” لە ڕۆڵی “کاڵ جاکۆبس” بۆ کۆتا جار دەردەکەوێت، کە دیمەنەکانی پێش مردنی لە سەرەتای 2026 وێنەگیراون.
بڕیارە وەرزی نوێ لە 12ـی نیسانی 2026 نمایش بکرێت، دوای چوار ساڵ چاوەڕوانی هەوادارانی زنجیرەکە، تێیدا ڕووبەڕووی ئالنگاری کۆمەڵایەتییەکانی دوای هەرزەکاری دەبنەوە.