هونەرمەند و دەرهێنەر سمکۆ سەعید ناکام لە شاری بویبلینگنی نزیک شتوتکارد لە ئەڵمانیا، ئەمڕۆ یەکشەممە لە تەمەنی 76 ساڵیدا کۆچی دوایی کرد.
هونەرمەند و نووسەری کۆچکردوو، لە ماوەی ژیانیدا خزمەتێکی بەهاداری پێشکەش بە ڕەوتی هونەری کوردی بە گشتیی و شانۆ و نواندن و دراما بە تایبەت کردووە.
بەرهەمە هونەرییەکانی بە تایبەت دەقی شانۆیی “چەخماخ” و “لانەوازان” و “گوڵە مێخەک” لە ناسراوترین ئەو بەرهەمانەن، کە بوونە وێستگەیەکی گرنگی پێشکەوتن و برەودان بە هونەر لە کوردستاندا.
وەزارەتی ڕۆشنبیری و لاوان، پرسە و سەرەخۆشی ئاراستەی بنەماڵەی “ناکام” و کەسوکار و سەرجەم هونەرمەندانی کوردستان دەکات و رایگەیاند، بەرهەم و بەخششە بەهادارەکانی بۆ هەمیشە لە کایەی هونەر و مێژووی هونەری کوردیدا بە نەمری دەمێننەوە.