شایلۆ جۆلی، کچی هەردوو ئەستێرەی جیهانی ئەنجێلینا جۆلی و براد پیت، بە شێوەیەکی چاوەڕواننەکراو لە کلیپێکی گۆرانیبێژێکی کیپۆپدا دەردەکەوێت.
شایلۆ لە تیزەری گۆرانی “What’s a Girl to Do”ـی هونەرمەند دایۆنگ، ئەندامی گرووپی Cosmic Girls بەشدار بووە.
کۆمپانیای بەرهەمهێنەر ڕایگەیاندووە، کلیپەکە لە 7ی نیسانی 2026 بەتەواوی بڵاو دەکرێتەوە.
شایلۆ تەنیا وەک بەشداربووێکی ئاسایی لە تاقیکردنەوەکانی ئەمریکادا هەڵبژێردراوە و تیمەکە لە کاتی وێنەگرتندا نەیانزانیوە کە ئەو کچی کێیە، بەڵکو دواتر ناسنامە ڕاستەقینەکەی ئاشکرا بووە.
ئەم دەرکەوتنە لە تۆڕە کۆمەڵایەتییەکاندا دەنگدانەوەیەکی گەورەی هەبووە و هەواداران بەردەوام ئاماژە بە لێکچوونی زۆری شایلۆ و دایک و باوکی دەکەن.
هێشتا ڕوون نییە کە ئایا شایلۆ لە ناو کلیپەکەدا تەنیا وەک سەماکارێک دەردەکەوێت یان ڕۆڵێکی گەورەتری دەبێت، بەڵام ئەم هەنگاوە وەک سەرەتایەکی نوێ بۆ چوونە ناو جیهانی هونەری کیپۆپ لەلایەن ئەو کچە گەنجەوە سەیر دەکرێت کە بەردەوام حەزی بە سەما هەبووە.