ئەستێرەی جیهانی دوا لیپا و ئەکتەری بەریتانی کالوم تێرنەر، ئامادەکاری بۆ ئەنجامدانی ئاهەنگی هاوسەرگیرییان دەکەن. سەرچاوە هەواڵییەکان ئاماژە بەوە دەکەن کە ئەم دوو هاوسەرە داهاتووە دەیانەوێت ئاهەنگێکی زۆر سادە و دوور لە چاوی کامێراکان ساز بکەن.
ئەوان بڕیاریان داوە تەنیا ئەندامانی خێزان و هاوڕێ زۆر نزیکەکانیان بۆ ئەم بۆنەیە بانگهێشت بکەن.
هەردوو هونەرمەندەکە سەردانی چەندین ناوچەیان لە بەریتانیا و ئیتاڵیا کردووە تا شوێنێکی گونجاو بۆ مەراسیمەکە هەڵبژێرن.
پێشبینی دەکرێت ئاهەنگەکە لە هاوینی ساڵی داهاتوودا و هاوکات لەگەڵ ڕۆژی لەدایکبوونی دوا لیپا بەڕێوە بچێت.
پەیوەندی خۆشەویستی ئەم دوو ئەستێرەیە لە سەرەتای ساڵی ٢٠٢٤ دەستی پێکرد و بۆ یەکەمجار لە مەراسیمی “Met Gala 2025” پێکەوە لەسەر فەرشی سوور دەرکەوتن.