ئەکتەری بەریتانی نیکۆلاس گالیتزین، ڕایگەیاند، گۆڕانکارییە جەستەییە گەورەکەی بۆ ڕۆڵی “He-Man” لە فیلمی “Masters of the Universe” وای کردووە تەنانەت دایکی نەتوانێت بە تەواوی باوەشی پیا بکات.
ئەم ئەکتەرە تەمەن 31 ساڵە، لە کاتی نمایشێکی تایبەت لە نیویۆرک باسی لەوە کرد، هاوڕێ و خێزانەکەی بە بینینی قەبارەی ماسولکەکانی تووشی شۆک بوون.
گالیتزین ئاماژەی بۆ ئەوە کرد، ئامادەکاری بۆ ئەم ڕۆڵە قورسترین ئالنگاری بووە لە کاروانی هونەرییدا، چونکە ڕۆژانە 3 کاتژمێر مەشقی قورسی ئەنجام داوە و سیستمێکی خۆراکی توندی پەیڕەو کردووە کە تێیدا 5000 کالۆری خواردووە.
ئێستا دوای تەواوبوونی وێنەگرتن، گالیتزین گەڕاوەتەوە سەر ژیانی ئاسایی خۆی و چێژ لەو خواردنانە وەردەگرێت کە پێشتر لێی بێبەش بوو.
فیلمی “Masters of the Universe” یەکێکە لە بەرهەمە هەرە گەورەکان و بڕیارە لە 5ی حوزەیران نمایش بکرێت. ئەکتەرانی وەک ئیدریس ئێلبا و جارید لێتۆ لەم فیلمەدا بەشدارن.
گالیتزین لەو بڕوایەدایە، ئەم ڕۆڵە دەرفەتێکی زێڕین بووە بۆ ئەوەی بیسەلمێنێت دەتوانێت لە دەرەوەی ڕۆڵە ڕۆمانسییەکانیش سەرکەوتوو بێت.
گۆڕانکاری لە ڕووخسار و جەستەی گالیتزین نیشانەی پابەندبوونی تەواویەتی بە کارەکەی، ئەگەرچی گۆڕینی شێوەی ڕووخسار و جەستە ماندووبوونێکی زۆری لەو ئەکتەرە تەمەن 31 ساڵە خواستووە.