تارا مامەدۆڤا، هونەرمەندی دیار و چالاکی باکووری کوردستان، چەند وێنەیەکی نوێی بەشی 1ی کۆنسێرتەکەی لە شاری ئامەد بڵاوکردەوە.
ئەم هونەرمەندە بە دەرکەوتنێکی زۆر ڕەنگاوڕەنگ و ناوازە لەسەر شانۆ دەرکەوت، کە سەرنجی هەموو ئامادەبووانی ڕاکێشا.
تارا لە هەژمارە فەرمییەکانی لە تۆڕە کۆمەڵایەتییەکان ئاماژەی بەوە کرد، مەبەستیان بووە لەم دەرکەوتنەدا هەموو ڕەنگەکانی ناو دڵیان پێکەوە کۆبکەنەوە و وێنەیەکی ڕەنگین نیشان بدەن.
جلوبەرگی تارا لەلایەن دیزاینەر جەیلان کۆچ دیزاین کراوە و تارا ئاماژەی بەوە کرد، ئەم کارە هونەرییە وەک گەشتێک وایە و چیرۆکێکی تایبەتی لەپشتە.
تارا وەک یەکێک لە هونەرمەندە بەردەوام و کاریگەرەکانی باکووری کوردستان دەناسرێت و بەردەوام هەوڵ دەدات لە ڕێگەی کارەکانیەوە مۆرکێکی تایبەت بە هونەری کوردی ببەخشێت.
وێنەکانی ئەم کۆنسێرتە لەلایەن محەمەد ئاجاروک و ئەمرای کەلەکچییەر گیراون و لە میدیاکانی دیکەدا دەنگدانەوەی زۆریان هەبوو.
ئەم دەرکەوتنە تەنیا نمایشێکی سادە نەبوو، بەڵکو پەیامێکی هونەری بوو بۆ نیشاندانی دەوڵەمەندی ڕەنگەکانی کوردستان کە تارا بە سەرکەوتوویی بەرجەستەی کرد.
تارا مامەدۆڤا لە 22 نیسانی 1983 لە کۆک یانگاک لە قیرغیستان لەدایکبووە و بە رەچەڵەک خەڵکی باکووری کوردستانە، بەر لە گەڕانەوەی خێزانەکی بۆ باکووری کوردستان و تورکیا، ماوەیەک لە رووسیا ژیاون و