ڕۆژی چوارشەممە، فیلمی سینەمایی “سوارۆ و چێڵەکەی” لە هۆڵی ئیمپایەر سینەما لە شاری هەولێر نمایش کرا.
نمایشکردنی فیلمەکە کە لە دەرهێنانی عەدنان شەریفە و تێیدا هونەرمەندان ئەیام ئەکرەم و سوهام حەسەن ڕۆڵی سەرەکی دەگێڕن، بە ئامادەبوونی ژمارەیەکی بەرچاو لە سینەماکاران بەڕێوە چوو.
لە کۆتایی نمایشەکەدا ڕێزلێنان بەخشرایە ستافی فیلمەکە.
هەموو ڕۆژانی چوارشەممە فیلمێکی کوردی لە سینەما ئێمپایەر نمایش دەکرێت و هاتن بۆ هەمووانە و بێ بەرامبەرە.
دوای نمایشکردنی فیلمەکان، گفتوگۆیان لەبارەیەوە دەکرێت، تەنیا بۆ ئەوەی بایەخی زیاتر بە فیلمە کوردییەکان بدرێت کە کەمتر لە سینەماکاندا نمایشکراون.