تۆڕە کۆمەڵایەتییەکان لە تورکیا بە وێنەیەکی تەنزی و جیاواز داگیرکران، تێیدا ئەکتەری تورک دەنیز کان ئاکتاش و ئەستێرەی جیهانی مارگۆت رۆبی پێکەوە پیشان دەدات.
وێنەکە کە بە تەکنیکی ژیریی دەستکرد (AI) دروستکراوە، لەلایەن ئەکتەر ئۆراز کایگیلارئۆغڵو بڵاوکرایەوە، تێیدا هەردوو ئەستێرەکە خەریکی یاریی بازدانی ئازادن بە پەڕەشووت.
ئەم وێنەیە کاردانەوەی زۆری لێکەوتەوە، بەتایبەت کاتێک ئەکتەر دێڤریم ئۆزکان، هاوکارەکەی ئاکتاش لە زنجیرەی “Underground”، بە شێوازێکی گاڵتەجاڕانە هاتە ناو باسەکەوە.
دێڤریم وێنەیەکی خۆی و ئاکتاشی بڵاوکردەوە کە خەریکی یاریی دامەن و نووسیویەتی: “ئاکتاش ناتوانێت لەگەڵ مارگۆت رۆبی یاریی دامە بکات”، ئەمەش وەک ئاماژەیەک بۆ ئەوەی کە مارگۆتی هەڵبژاردووە بۆ پەڕەشووتەکە.
ئاکتاشیش بە شێوەیەکی دۆستانە وەڵامی دایەوە و گوتی، کەس ناتوانێت لە یاریی دامەدا بیباتەوە. ئەم جۆرە تێپەڕینە نێوان ئەستێرەکان، سەرنجی هەوادارانی راکێشاوە و وەک نموونەیەک بۆ بەکارهێنانی تهكنۆلۆژیا لە دروستکردنی کەشێکی کەیفخۆشدا دەبینرێت.