هەواڵی کۆچی دوایی ئەکتەری ئەمریکی دێڤی چەیس لە تەمەنی 35 ساڵیدا، هەوادارانی لە جیهاندا دڵگران کرد.
چەیس بە ڕۆڵی ترسناکی سامارا مۆرگان لە فیلمی بەناوبانگی “The Ring” ناسرا، لەگەڵ پێشکەشکردنی دەنگی کەسایەتی لیلۆ لە فیلمی ئەنیمەیشنی “Lilo & Stitch”.
ڕۆی هێرناندێز، هاوبەشی ژیانی هونەرمەندە کۆچکردووەکە ئاشکرای دەکات، دێڤی چەیس لە 16ی حوزەیرانی 2026 بەهۆی نەخۆشییەکی توندەوە لە ڕۆژانی کۆتایی ژیانیدا کۆچی دوایی کردووە.
چەیس بەدەست هەوکردنی پەردەی مێشک و ژەهراویبوونی خوێنەوە ناڵاندوویەتی، ئەمەش بووە هۆی سستبوونی ئەندامە گرنگەکانی لەشی.
ئەو پێشتر گواسترابووەوە بۆ نەخۆشخانەیەکی لۆس ئەنجلۆس، کاتێک بەدەست کەمخۆراکیی توند و دابەزینی کێشیەوە دەیناڵاند.
پێش کۆچی دوایی، هاوبەشی ژیانی کەمپینێکی پشتگیری بۆ دابینکردنی تێچووی پزیشکی و دەروونی ڕادەگەیەنێت، ئاماژە بۆ ئەوە دەکات، پزیشکەکان پێیان گوتووە دۆخی گەیشتووەتە قۆناغێکی مەترسیدار. ژیانی دێڤی چەیس لە دەرەوەی ڕووناکی ئاسان نەبوو، چونکە لە ساڵانی ڕابردوودا ڕووبەڕووی ئالنگاری گەورەی دەروونی ببووەوە.
چەیس لە تەمەنێکی پێشوەختەوە دەستی بە کاری هونەری کرد، لەوانە بەشداری لە فیلمی “Donnie Darko” و زنجیرەی “Big Love” کرد، بەمەش هۆڵیوود ڕووحێکی پڕ لە ورە و بەهرەمەند لەدەستدەدات.