مەنسوور ئەلبەعیجی، ئەندامی لیژنەی دارایی لە پەرلەمانی عێراق ڕایگەیاند: بەهۆی داخستنی گەرووی هورمز لە ئەنجامی شەڕی نێوان ئێران و ئەمریکا، عێراق تووشی زیانێکی گەورەی دارایی بووەتەوە و لە ٢٨ی تەممووزەوە تاوەکو ئێستا، هیچ بەرمیلێک نەوتی عێراق لە گەرووی هورمزەوە تێنەپەڕیوە.
ئاماژەی بەوەش کرد، بەم هۆیەوە ١٥٠ ملیار دۆلار زیان بە عێراق گەیشتووە. لە ئێستاشدا قەیرانێکی سەختی دارایی هەیە و حکومەتی عێراق بە زەحمەت دەتوانێت لە ڕێگەی دەستبردن بۆ یەدەگی بانکی ناوەندی مووچە دابین بکات.