نرخى نەوت لە بازاڕەکانى جیهان بە زیاتر لە 86 دۆلار مامەڵەى پێوەدەکرێت، بەراورد بە رۆژى پێشتر نرخی نەوتی خاوی برێنت و تەکساس بەرزبونەوەیان تۆمار کردوە.
بەیانی ئەمڕۆ سێشەممە 19-3-2024، لە بازاڕەکانى جیهان، نرخى بەرمیلێک نەوتى خاوى برێنت بە 86 دۆلار 70 سەنت مامەڵەى پێوەدەکرێت و بەراورد بە رۆژى پێشتر نرخەکەی 1 یەک دولار و 4 سەنت بەرزبوەتەوە.
هەروەها، نرخى بەرمیلێک نەوتى تەکساسى ئەمەریکیش بە 82 دۆلار و 58 سەنت مامەڵەى پێوەدەکرێت، بەراورد بە رۆژی پێشتر نرخەکەی 1یەک دولار و 16 سەنت بەرزبوەتەوە.
چاودێرانی ئابووری ئەم بەرزبوونەوەیەی نرخی نەوت دەگەڕێننەوە بۆ کەمبوونەوەی نەوتی خاو لە کۆگاکانی ئەمریکادا و زۆربوونی خواستی جیهانی لەسەر نەوتی خاو هاوکات فراوانبوونی گرژی و ئاڵۆزییە هەرێمییەکانی رۆژهەڵاتی ناوەڕاست هۆکارێکی بەردەوامە.
هەروەها دەشڵێن، بەهۆی پابەند بوون بە بڕیارەکانی ئۆپیک پڵەس بۆ کەمکردنەوەی هەناردەکردنی رۆژانە داهاتی نەوتی وەک خۆی دەمێنێتەوە لە سەر ئاستی مانگەکە.