بەغدا، بڕی 352 ملیار و 700 ملیۆن دیناری بۆ مانگی دووی هێزی پێشمەرگە دەنێرێت، هاوكات شاندێكی حكوومەتی هەرێمی كوردستان لە بەغدا لەگەڵ وەزارەتی دارایی عێراق كۆ دەبێتەوە.
ئەمڕۆ چوارشەممە 3/4/2024، سەرچاوەیەك لە بەغدا بە كوردستان 24ی راگەیاندووە، بڕی 352 ملیار و 700 ملیۆن دینار بۆ مووچەی مانگی دوو بۆ هێزەكانی پێشمەرگە و هێزەكانی دیكە دەنێرێت.
وەزارەتی دارایی حكوومەتی عێراق لە مانگی رابردوو، 608 ملیار دیناری بۆ مووچەی فەرمانبەر هەرێمی كوردستان جگ لە هێزەكانی پێشمەرگە و هێزەكانی دیكەی نەنارد، لەكاتێكدا وەزارەتی دارایی هەرێمی كوردستان هەموو مەرج و داواكارییەكانی بەغدای جێبەجێ كرد.
هاوكات ئەمڕۆ شاندێكی حكوومەتی هەرێمی كوردستان، بە سەرۆكایەتیی ئاواتی شێخ نەجاب وەزیری دارایی، بەمەستی چارەسەر كردنی مووچەی مانگی سێ و بابەتی (هەژماری من) لە بەغدا و یەكەم كۆبوونەوەی شاندەكە لەگەڵ وەزارەتی دارایی عێراق دەبێت.