پارێزگاری بانکی ناوەندیی عێراق ڕایدەگەیەنێت، ئابووریی عێراق ڕووبەڕووی فشاری جۆراوجۆر بووەتەوە و مووچە و یارمەتییەکان فشارێکی زۆریان دروست کردووە. دەشڵێت: “گوشارەکانی خەرجییە گشتیەکان، بەتایبەتی لەسەر مووچە، یارمەتییەکان و خزمەتگوزارییە سەرەتاییەکان، ئاڵنگارییەکی زیاتر دروست دەکەن و کەمکردنەوەی ئەو خەرجیانەش بەهۆی کاردانەوەی کۆمەڵایەتیی سەختیەکی زۆر دروست دەکات.”
عەلی عەلاق، پارێزگاری بانکی ناوەندیی عێراق لە کۆنفرانسی هەرێمیی کۆڕبەندی ئابووری ئیسلامی لە قاهیرە، ڕایگەیاند: “عێراق ڕووبەڕووی فشاری جۆراوجۆر دەبێتەوە، لەوانە ئاستەنگەکانی گەشەپێدان، کە پێویستی بە هەمەچەشنکردنی ئابووری و زۆرترین داهاتی گشتی هەیە.”
ئەوەشی خستە ڕوو: “زیاتر لە 90%ی داهاتی گشتیی عێراق پشت بە هەناردەکردنی نەوت دەبەستێت، ئەوەش دەبێتە هۆی ناجێگیری داهات و لاوازی سەقامگیری دارایی، دۆخەکە پێویستی بە دۆزینەوەی چارەسەری پێکهاتەیی هەیە”.
عەلی عەلاق، ئاماژەی بەوەدا: “هەمەچەشنکردنی سنورداربوونی ئابووری و لاوازی کەرتەکانی بەرهەمهێنان وایکردوە عێراق ببێتە وڵاتێکی زۆرینەی هاوردەکار، ئەوەش فشارێکی بەردەوام دەخاتە سەر دۆلار و نرخی ئاڵوگۆڕ، بەتایبەتی لەگەڵ بەرزبوونەوەی توانای کڕین و زیادبونی خواستی ڕۆژانەی لەسەر دراوی بیانی، ئەمەش ڕاستەوخۆ کاریگەری لەسەر سیاسەتی دراو هەیە، کە سەرکەوتنی بەرچاوی بەدەستهێناوە لە هاوسەنگکردنی سەقامگیری نرخ و بەڕێوەبردنی نەختینەیی و هاندانی ئابووری.”
جەختی کردەوە: “گوشارەکانی خەرجییە گشتیەکان، بەتایبەتی لەسەر مووچە، یارمەتییەکان و خزمەتگوزارییە سەرەتاییەکان، ئاڵنگارییەکی زیاتر دروست دەکەن و کەمکردنەوەی ئەو خەرجیانەش بەهۆی کاردانەوەی کۆمەڵایەتی سەختیەکی زۆر دروست دەکات.”
ژمارەی فەرمانبەرانی عێراق، چوار ملیۆن و 550 هەزارە و ژمارەی خانەنشینانی مەدەنی و سەربازییش دوو ملیۆن و 960 هەزارە.
دوێنێ، محهمهد مههدی بهیاتی، وهزیری پێشووتری مافی مرۆڤی عێراق، له گفتوگۆیهكی تهلهڤزیۆنیدا ڕایگهیاند: “له عێراق كێشهی دارییمان ههیه، ههموو كهسێك ناتوانێ ئهو كێشهیهمان بۆ چارهسهر بكات و پێویسته عێراق لهو دۆخه دهر بكرێت.”
ڕاشیگهیاند: “ئێستا هیچ شتێك له پێش عێراق نهماوه، جگه له لێبڕینی بهشێك له مووچهی فهرمانبهرانی عێراق، لهوه زیاتر چارهسهری دووهم نیه، بۆ ئهوهی لهو قهیرانه دهربازی بێت.”