‎نرخی زیو لە بازاڕەکانی جیهاندا بەردەوامە لە دابەزین

لەگەڵ کردنەوەی مامەڵەکانی ئەمڕۆدا، نرخی کانزا گرانبەهاکان و بە تایبەت زیو گۆڕانکاری بەسەردا هات و دابەزینی زیاتری بەخۆوە بینی.

ئەمڕۆ سێشەممە، ​بەپێی دواین داتاکانی بازاڕ، نرخی هەر کیلۆگرامێک زیو گەیشتووەتە 2,343.89 دۆلار، هەروەها نرخی هەر ئۆنسەیەکیش دابەزیوە بۆ 72.9 دۆلار و نرخی یەک گرام زیویش بۆ 2.34 دۆلار کەمبووەتەوە.

​ئەم گۆڕانکارییە لە کاتێکدایە کە بەراورد بە نرخی ڕۆژی ڕابردوو، نرخی زیو دابەزینی زیاتری تۆمارکردووە، بە جۆرێک نرخی کیلۆگرامێک زیو بە بڕی 57.13 دۆلار، نرخی ئۆنسەیەکیش بە بڕی 1.78 دۆلار و نرخی گرامێک زیویش 0.06 دۆلار دابەزیوە.

​شارەزایانی ئابووری پێیان وایە ئەم دابەزینە کاردانەوەی راستەوخۆی سیاسەتەکانی بانکی ناوەندی ئەمریکایە سەبارەت بە ڕێژەی سوود، هاوکات لەگەڵ ئاڵۆزییە سیاسییەکان ، کە وایکردووە وەبەرهێنەران بە وریاییەکی زۆرەوە بڕیار لەسەر کڕین و فرۆشتنی کانزا گرانبەهاکان بدەن.