زۆر جار پرسیار لای داكیان دروست دەبێت ، كەئایا شیری قوتووی ئامادەكراو بۆ منداڵ دەتوانرێت بۆ ماوەی چەند هەڵبگیرێت.
د.پشدەرعەبدوڵا پزیشكی پسپۆڕی نەخۆشییەكانی منداڵان بەسایتی تەندروستی به‌ڕێوه‌به‌رایه‌تی گشتی سلێمانی راگەیاند: دوای ئامادەكردنی شیرەكە ئەگەر درا بەمنداڵەكە و هەندێكی مایەوە ، دەبێت دەست بەجێ ئەوەی ماوەتەوە دەبێت فڕێ بدرێت ، چونكە ئەگەری هەیە تێكەڵ بە میكرۆب بێت .
وتیشی: ئەگەر شیرەكە نەدرابوو بە منداڵەكە ئەوە دەتوانرێت تا یەك كاتژمێر لەپلەی گەرمی ژووردا بەكار بهێنرێت ، ئەگەر لەناو بەفرگردا هەڵبگیرێت تاوەكو 24 كاتژمێر دەتوانرێت بەكاربهێنرێت ، بەڵام دەبێت دواتر مەمكە شوشەكە بكرێتە ناو ئاوێكی گەرم و پێش بەكارهێنانی جوان تێك بدرێت ، ئینجا بۆ دڵنیابوون لەساردی و گەرمی شیرەكە چەند دڵۆپێك لەشیرەكە بخرێتە سەر دەست.