فۆسفۆڕ بەیەکێک لە کانزا گرنگەکان بۆ جەستە دادەنرێت و پێویستە بەڕێژەی گونجاو لەجەستەدا هەبێت، چونکە سوودێکی زۆری بۆ تەندروستی هەیە.
کانزای فۆسفۆڕ گرنگییەکەی زۆری بۆ تەندروستی ئێسک و ددانەکان هەیە یارمەتی بەهێزبوونیان دەدات، سەرچاوە سەرەکیەکانی فۆسفۆڕیش بریتین لە بەرهەمە شیرەمەنیەکان، ماسی، شۆفان، گۆشتی سوور و برنجی قاوەیی.
لەگەڵ ئەوەی سوودێکی زۆری بۆ تەندروستی هەیە و گرنگە، بەڵام نابێت زیادەڕەوی تێدابکرێت چونکە کێشەی تەندروستی لێدەکەوێتەوە وەک سکچوون و ئازاری گەدە، هەروەها زیادبوونی ڕێژەکەی دەبێتە هۆی کەمکردنەوەی ڕێژەی کالیسیۆم لەجەستەدا و بەوشێوەیە ئێسکەکان زیاتر ڕووبەڕووی شکان دەبنەوە.