تەندروستبوونی ئێسکەکان کارێکی زۆر گرنگە، خواردنە و خواردنەوەکانیش کاریگەرییەکی زۆریان لەسەر تەندروستبوونیان هەیە، هەندێکیان سوودیان هەیە و هەندێکیشیان بەپێچەوانەوە.
بەشێوەیەکی گشتی سەوزەواتەکان دەوڵەمەندن بە ڤیتامین، کانزا و ڕیشاڵەکان سوودێکی زۆریان بۆ تەندروستی هەیە، سەوزەواتەکانی وەک سپێناخ، کەلەرم، سڵق و سەوزەواتە ڕەنگ تۆخەکان سوودێکی زۆریان بۆ تەندروستی ئێسکەکان هەیە و پارێزگارییان لێدەکەن، هەروەها ئەو سەوزەواتانەی دەوڵەمەندن بە کالیسیۆم وەک شێلم و بڕۆکلی یارمەتی بەهێزبوونی ئێسکەکان دەدەن.
لەگەڵ ئەوەی سیستمی خۆراکی دەوڵەمەند بە سەوزەواتەکان سوودی بۆ تەندروستی ئێسکەکان هەیە، وەرزشکردنیش ڕۆڵێکی گرنگی لە تەندروستی و پارێزگاریکردنی ئێسکەکاندا هەیە.