شەربەتی سەوزە یەکێکە لە باشترین بژاردە تەندروستەکان کە دەتوانرێت بۆ ژەمی بەیانیان بخورێتەوە.
بەپێی ماڵپەڕی “Healthline” خواردنەوەی شەربەتی سەوزە لە بەیانیاندا تەندروستە بەو پێیەی تێکەڵەیەک لە سەوزە و میوەی تازەی تێدایە کە دەوڵەمەندە بە ڤیتامین و کانزاکان کە وزە بە جەستە دەبەخشێت و تەندروستی بە شێوەیەکی گشتی باشتر دەکات.
پێکهاتەکانی:
پارچەیەک سپێناخ.
یەک خەیار.
یەک سێوی سەوز.
پارچەیەک کەلەرم.
نیو کوپ ئاوی لیمۆ.
پارچەیەکی بچووک لە زەنجەبیل.
کوپێک ئاو یان شیری بادەم.
– شێوازی ئامادەکردنەکەی:
هەموو پێکهاتەکان بە باشی بشۆرەوە.
پارچە پارچەی بچووکیان بکە.
هەموو پێکهاتەکان بخەرە ناو کوپێکەوە و ئاو یان شیری بادەمەکەی تێبکە.
تێکەڵی بکە بە باشی.
شەربەتەکە بڕێژە ناو کوپێک و یەکسەر چێژ وەربگرە.
سوودەکانی شەربەتی سەوزە:
١. دەوڵەمەندە بە ڤیتامین و کانزاکان، شەربەتەکە پێکهاتەکانی وەک سپێناخ و کەلەرم لەخۆدەگرێت، کە دەوڵەمەندن بە ڤیتامینەکانی K و C و A، جگە لە کانزاکانی وەک ئاسن و مەگنیسیۆم، کە کۆئەندامی بەرگری بەهێز دەکات و تەندروستی پێست و چاو باشتر دەکەن.
٢. باشترکردنی تەندروستی هەرس، ئەو ڕیشاڵەی لە سێو و خەیاردا هەن بەشدارە لە باشترکردنی پرۆسەی هەرسکردن و کەمکردنەوەی کێشەکانی قەبزی.
٣. دژە ئۆکسانن، بەو پێیەی لیمۆ و سێوی سەوز دژە ئۆکسانی تێدایە کە یارمەتی بەرەنگاربوونەوەی ڕادیکاڵە ئازادەکان دەدات و هەوکردن لە جەستەدا کەمدەکاتەوە.
٤. باشترکردنی ئاستی وزە شەربەتی سەوز بەهۆی ئەو پێکهاتە سروشتیانەی کە شەکر و ڕیشاڵی سروشتی تێدایە وزە بە جەستە دەبەخشێت، ئەمەش وایکردووە ببێتە هەڵبژاردەیەکی نایاب بۆ دەستپێکردنی ڕۆژەکەت.
٥. پاککردنەوەی ژەهرەکان لە جەستە،بەهۆی لیمۆ و زەنجەفیلەوە ئەم شەربەتە یارمەتی بەرزکردنەوەی کارکردنی جگەر دەدات و ژەهرەکان لە جەستەدا دەربهێنێت.