زەعفەران یەکێکە لە گرانبەهاترین بەهاراتاکان لەجیهاندا، بەناوبانگە بەوەی ڕێگری لە نەخۆشیە درێژخایەنەکان و شێرپەنجە دەکات، سوودێکی تەندروستی زۆری بۆ جەستە هەیە، هەروەها یەکێکە لەو بەهاراتانەی بۆنێکی بەهێزی هەیە.
سوودە سەرسوڕهێنەرەکانی زەعفەران:
-یارمەتی تەندروستی دڵ و دەمارە خوێنەکان دەدات و دەیانپارێزێت، سووڕی خوێن چالاکتر دەکات و ڕێگری لە جەڵتەی دڵ و مێشک دەکات.
-زەعفەران میزاج باشتر دەکات و دژە خەمۆکیە.
-ڕۆڵێکی گرنگی لە دابەزاندنی کێشدا هەیە، هەستی تێربوون زیاد دەکات و رێگری زیادەڕەوی لە خواردندا دەکات.
-ئەو ماددە کیمیاییانەی تێدایە کە یارمەتی باشترکردنی بیرەوەری و کردارەکانی مێشک دەدەن، زەعفەران یارمەتی کەم کردنەوەی هەوکردنەکانی مێشک و دەرکەوتنی نیشانەکانی نەخۆشی زەهایمەر دەدات.