سێو یەکێکە لە میوە زۆر تەندروستەکان بەشێوەی میوە بێت یان شەربەتەکەی بخورێتەوە سوودێکی زۆری بۆ تەندروستی هەیە، دەوڵەمەندە بە ڤیتامین، کانزا و دژەئۆکسانە سەرەکییەکان.
بەپێی ماڵپەڕی”health”، شەربەتی سروشتی سێو دەوڵەمەندە بە دژەئۆکسانەکان سوودێکی زۆری بۆ کۆئەندامی هەناسە هەیە بەتایبەتی بۆ ئەو کەسانەی کێشەی هەناسەدان و ڕەبۆیان هەیە، لەگەڵ ئەوەشدا پارێزگاری لە سییەکان دەکات، بەپێی توێژینەوەکان یارمەتی کەمکردنەوەی قەبزی و تەندروستی کرداری هەرس هەیە.
سێو ڕێژەیەکی زۆر بۆلیفینۆل، کارۆتین و ڕیشاڵەکانی تێدایە هەستی تێربوون زیاددەکات و یارمەتی دابەزاندنی کێش دەدات، کۆنتڕۆڵی کۆلیستڕۆڵ دەکات و یارمەتی دابەزاندنی دەدات بەمەش پارێزگاری لە تەندروستی دڵ دەکات، هەروەها دەوڵەمەندە بە پۆتاسیۆم یارمەتی دابەزاندنی پەستانی خوێن دەدات.