كۆمەڵێك خواردن ڕەنگە یارمەتی بەهێزكردنی بەرگری جەستە بدەن و ڕۆڵیان هەبێت لە ڕێگرتن لە پەتای وەرزی و كۆڕۆناو جۆرەكانی تری ئەنفلەوانزاو هەروەها زوو چاك بوونەوە لە كاتی تووشبووندا.
1. سیر : ناسراوە بەوەی كاریگەرە لە خۆپاراستن لە هەوكردن و دژە ڤایرۆس و دژە بەكتریاو دژە كەڕووە.
2. میوە مزرەمەنیەكان : چونكە دەوڵەمەندن بە ڤیتامین سی بێجگە لە ماددە دژە ئۆكسانەكانی تر.
3. بڕۆكلی و سپێناخ : دەوڵەمەندن بە ڤیتامین و كانزاكان بە تایبەت ڤیتامین (A ,C , E) بێجگە لە ماددە دژە ئۆكسانەكانی ترو ڕێشاڵەكان، باشتر وایە زۆر كەم بكوڵێنرێن تا زۆرترین سوودیان بمێنێتەوە.
4. بیبەری سوور : دوو ئەوەندەی مزرەمەنیەكان ڤیتامین سی تێدایە جگە لەوەی سەرچاوەیەكی باشی بێتاكارتینۆیدە.
5. زەنجەبیل : یارمەتی كەمكردنەوەی هەوكردن دەدات لەگەڵ ئاوسان و هەوكردنی قوڕگ و نەهێشتنی ئازاری درێژخایەن.
6. بادەم : سەرچاوەیەكی باشی ڤیتامین E و ئۆمێگا سێیە.
7. زەدەچەوە : ناسراوە بە كاریگەرییەكانی بۆ نەهێشتن و خۆپاراستن لە هەوكردن.
8. چای سەوز : دەوڵەمەندە بە ماددە دژە ئۆكسانەكان.
9. بێریەكان وەك بلۆبێری و تووتڕك و شلێك.
10. شۆربای مریشك : هەروەها شۆربای پەلەوەرەكانی تری وەك قازو قەل، هەروەها قارچك.
(د. كامەران رەسوڵ ژاژڵەیی – پزیشكی پسپۆڕی زانستی خۆراك)