سیستمی خۆراکی تەندروست کاریگەرییەکی زۆری لەسەر تەندروستی جەستە هەیە و پێچەوانەکەشی بەهەمان شێوە، تووشبووانی هەموو نەخۆشیە جیاوازەکان کۆمەڵێک خواردن سوودیان پێدەگەیەنێت و دەبێت لە کۆمەڵێک خواردنیش دووربکەونەوە.
تووشبووانی نەخۆشیەکانی دڵ پێویستە لەم خواردنانە دووربکەونەوە:
-گۆشتی سوور
زیادەڕەویکردن لە بەکارهێنان و خواردنی گۆشتی سوور زیان بە تەندروستی دڵ دەگەیەنێت و دەبێتە هۆی بەرزبوونەوەی ڕێژەی کۆلیستڕۆڵ کە هۆکارێکە بۆ جەڵتەی دڵ.
-فینگەر(پەتاتەی سوورەکراو)
پەتاتەی سوورەکراو ڕێژەیەکی زۆر چەوری و سۆدیۆمی تێدایە هۆکارێکە بۆ زیادبوونی کێش، مەترسی توشبوون بە جەڵتە زیاددەکات.
-نانی سپی
دەوڵەمەندە بە سۆدیۆم، زۆر خواردنی دەبێتە هۆی زیادبوونی ڕێژەی کاربۆهیدرات لە جەستەدا و هۆکارێکی سەرەکی قەڵەوی، بەرزبوونەوەی ڕێژەی شەکری خوێن و نەخۆشیەکانی دڵە.