مێوژ جگە لەوەی وەک چەرەسێک دەخورێت شەربەتی لێدروستدەکرێت و لە بەشێکی زۆری شیرینیەکانیشدا بەکاردەهێنرێت، هەرچەندە ڕێژەیەکی باش شەکری تێدایە بەڵام ئەگەر بەڕێژەیەکی گونجاو بخورێت تەندروستە و نابێتە هۆی زیان.
مێوژ دەوڵەمەندە بە دژەئۆکسانەکان ڕێگری توشبوون بە نەخۆشیەکانی دڵ دەکات، تایبەتەمەندی دژەبەکتریای هەیە سوودێکی زۆری بۆ تەندروستی ناودەم و ددانەکان هەیە و ڕێگری لە بۆنی ناخۆشی ناودەم دەکات.
یارمەتی تەندروستی کرداری هەرس و ڕیخۆڵەکان دەدات، مەترسی توشبوون بە شێرپەنجە و زەهایمەر کەمدەکاتەوە، خواستی خواردن کەمدەکاتەوە بەمەش یارمەتی کۆنتڕۆڵکردنی کێش دەدات، وەک چارەسەرێک بۆ کەمخوێنی بەکاردەهێنرێت.