نوستن گرنگییەکی زۆری لەسەر ڕێکخستنی کردارەکانی جەستە و وزە هەیە، جەستە وەک ئاو و ئۆکسجین پێویستی بە خەویش هەیە، هەموو کەسێک پێویستی بە هەشت کاتژمێر خەو هەیە ئەگەر کەمتر بێت ئەوا کاریگەری لاوەکی زۆری لەسەر جەستە دەبێت.
کەمخەوی دەبێتە هۆی تێکچوونی میزاج و توڕەبوون، مەترسی توشبوون بە نەخۆشییەکانی دڵ، خوێنبەرەکان، جەڵتەی دڵ و مێشک زیاددەکات، بەپێی توێژینەەکان کەمخەوی کاریگەری لەسەر تەندروستی مێشک دەبێت و هەوکردنەکان زیاددەکات کە لەوانەیە ببنە هۆی جەڵتەی خوێن.
کەمخەوی بەردەوام هۆکارێکە بۆ زیادبوونی کێش، چونکە دوودڵی، دڵەڕاوکێ و هەستی برسێتی زیاددەکات، بەرگری جەستە بێهیزدەکات و بەوشێوەیەش جەستە زیاتر ڕووبەڕووی نەخۆشییەکانی ئەنفلۆنزا و سەرمابوون دەبێتەوە، هەروەها کاریگەرییەکی زۆری لەسەر پەستانی خوێن هەیە خەوتن لە شەش کاتژمێر کەمتر دەبێتە هۆی بەرزبوونەوەی پەستانی خوێن.