بەرپرسێ راگەهاندنا ساخلەمیا قەزا ئاکرێ راگەهاند، کو بو روژا هەلکرنا ئاگری ل ئاکرێ رێڤەبەریا ساخلەمیا ئاکرێ چەندین تیمێن ساخلەمییێ داناینە، ٥ تیمێن جێگیر بو جهێن ڤەحەویانا گەشتیارا هاتینە دانان، کو تیما ١٢٢ هاتیە ئامادەکرن بو هەرحالەتەکێ نەخازرا.
نێچیرڤان فەخرەدین ھەرکی، بەرپرسێ راگەهاندنا ساخلەمیا قەزا ئاکرێ، ب ئاژانسا نوچەیا زاگرۆس راگەھاند: بو روژا ٢٠/٣/٢٠٢٤ روژا هەلکرنا ئاگری ل ئاکرێ رێڤەبەریا ساخلەمیا ئاکرێ چەندین تیمێن ساخلەمییێ داناینە ب سەرپەرشتیا راسەوخویا رێڤەبەرێ ساخلەمیا ئاکرێ کو ب ڤی شێوەی نە، ٥ تیمێن جێگیر بو جهێن ڤەحەویانا گەشتیارا هاتینە دانان، بنگەهێ ساخلەمیێ ئاکرێ، بنگەهێ ساخلەمیێ میرحاج، بنگەهێ ساخلەمیێ مهەت، سەرێ گری، بەردەرگەهێ قشلێ.
بەرپرسێ راگەهاندنا ساخلەمیا قەزا ئاکرێ گۆت: ٤ تیمێن گەروگ هاتینە دانان کو بەردەوام هاتن و چونێ بکەن دناڤ گەشتیاران دا، سەرێ تیشی ـ کانی زەرک ـ غابات هنداف رەفایێ ـ گرێ شیخ ماڤ ـ گەلیێ شیخ عبدالعزیز، ئامادەکاری ل هەردوو نەخوشخانەیێن مە ل بەشێ هەوارهاتنێ هاتینە کرن بو هەر حالەتەکێ پێویستی پێ بیت.
هەروەسا نێچیرڤان فەخرەدین ھەرکی، بەرپرسێ راگەهاندنا ساخلەمیا قەزا ئاکرێ ئەوەچەندەش بۆ ئاژانسا نوچەیا زاگرۆس دیارکر، کو تیما ١٢٢ هاتیە ئامادەکرن بو هەرحالەتەکێ نەخازراو، داخازێ ل خەلکێ خو یێ خوشتڤی و گەشتیارێن هێژا دکەین بو هەرحالەتەکی نەخازراو پەیوەندیێ ب هێلا ١٢٢یێ بکەن یان نزیکترین تیم ل جهی ئاگەهدار بکەن، داخازا دەمێن خوش بو هەوە دخازین و ژ خودێ دخازین گیانی هەمی هەڤوەلاتیا یێ پاراستی بیت و دوویربن ژ هەر نەخوشیەکێ .
رێباز یونس