zagros news agency

توێژینه‌وه‌یه‌ك: ئه‌وانه‌ی نه‌خۆشی دڵیان هه‌یه‌ با به‌ ئاوی سارد خۆیان نه‌شۆن

کۆمەڵەی پسپۆڕانی دڵ لە ئەمه‌ریکا له‌ تازه‌ترین راپۆرتی پزیشكیدا رایگه‌یاندووه‌: ئەو کەسانەی نەخۆشیی دڵ و لوولەکانی خوێنیان هەیە بەتایبەت بەرزەپەستانی خوێن، وا باشترە بە ئاوی سارد و زۆر سارد خۆیان نەشۆن.

ئه‌مڕۆ دووشه‌ممه‌ 26ی ئایار كۆمه‌ڵه‌ی دڵ له‌ ئه‌مه‌ریكا بڵاویكردووه‌ته‌وه‌: هەرچەندە خۆشووشتن بە ئاوی سارد سوودێکی زۆری هەیە و بەرگریی جەستە بەرز دەکاتەوە، بەڵام ئەوانەی نەخۆشیی دڵیان هەیە باشترە ئاوی شلەتێن یاخود کەمسارد بۆ خۆشووشتن بەکاربهێنن

ساڵانه‌ لەگەڵ گۆرانكارییه‌كانی كه‌شوهه‌وا و گۆڕینی وه‌رز و گەرمبوونی پلەکانی گەرما و داخڵ بوون بۆ ناو وه‌رزی هاوین، خەڵکی زیاتر ئاره‌زووی خۆشووشتن بە ئاوی سارد دەكه‌ن، بەڵام کۆمەڵەی دڵ لە ئەمه‌ریکا هۆشداری داوه‌، ئاوی سارد لوولەکانی خوێن تەسک دەکاتەوە و مەترسیی تووشبوون بە جەڵتەی دڵیش زیاد دەکات.

لای خۆیه‌وه‌ د. جۆناسان فلایەر، كه‌ یه‌كێكه‌ له‌ ئه‌ندامانی كۆمه‌ڵه‌ی دڵ له‌ ئه‌مه‌ریكا رایگه‌یاندووه‌: خۆشووشتن بە ئاوی گەرم ته‌ندروستتره‌ له‌ ئاوی سارد و رایگه‌یاندووه‌: ئاوی كه‌مێك گه‌رم یان شڵه‌تێن پەستانی خوێن کەم دەکاتەوە و ئاسوودەیی زیاتریش بە دەروون دەبەخشێت.

هەواڵی پەیوەندیدار

فه‌رمانێك كه‌ له‌ هه‌شت خاڵ پێكهاتووه‌ له‌ بەرژەوەندیی هاووڵاتییان دەرچوو

سەڵاح

سێ زانا بەهۆی کۆنترۆڵکردنی خانەکانی مێشک لە ڕێگەی ڕووناکییەوە خەڵاتی نۆبڵی پزیشکی بەدەست دەهێنن

سەڵاح

ئایا خواردنی سیر لە بەیانیاندا کۆلیسترۆڵ دادەبەزێنێت؟

lana