مەیینی خوێن لە هەندێك كەسدا ئەگەری زیاترە، بەتایبەتی كەسانی جگەرەكێش، خانمانی دوگیان، كەسانی قەڵەو، هەبونی مەیینی خوێن لە پێشودا یان لەدەستدانی توانای جوڵە پاش نەشتەرگەری، بەڵام چەند رێگەیەك هەیە بۆئەوەی خۆتی لێبپارێزیت و ئەگەری توشبونت كەمبكەیتەوە.
1. چالاكی جەستەیی ئەنجامبدە، وەكو رۆیشتن، پاسكیلسواری، مەلەكردن، ئەگەریش كێشی جەستەت زۆرە، هەوڵبدە بۆ كەمكردنەوەی كێشی جەستەت.
2. بەدەوام جەستەت شێداربكەرەوە، بڕێكی زۆر لە ئاو بخۆرەوە، چونكە وشكبونەوەی جەستە هۆكارە بۆ مەیینی خوێن، رۆژانە زیاتر لە یەك لیتر و نیو ئاو بخۆرەوە.
3. واز لە جگەرەكێشان بهێنە، چونكە جگەرەكێشان هۆكارە بۆ هەوكردنی دەمارەكان، زیانی هەیە بۆ دڵ و سی، هەربۆیە وازهێنان لێی مەترسی جەڵتەی مێشك و دڵیش كەمدەكاتەوە.