لەگەڵ بەرزبوونەوەی پلەکانی گەرما لە وەرزی هاویندا، پارێزگاریکردن لە شێداری جەستە زۆر گرنگە، بۆ دووربوون لە کێشە تەندروستییەکان.
بەشێوەیەکی گشتی خواردنەوەی ئاوی پێویست بۆ شێدارکردنەوەی جەستە زۆر گرنگە، بەڵام لەگەڵ ئەوەشدا پسپۆڕان ڕێنمایی دەکەن، کە لەگەڵ بەرزبوونەوەی پلەکانی گەرما و لە وەرزی هاویندا هەندێک لە خۆراکەکان لە سیستمی خۆراکیدا هەبن، چونکە ڕۆڵیان لە شێدارکردنەوەی جەستەدا هەیە.
بەپێی توێژینەوەکان بەشێک لە خۆراکەکان، ڕێژەیەکی زۆر ئاویان تێدایە و پارێزگاری لە شێداری جەستە دەکەن ئەوانیش، شوتی، کاڵەک، شلیک، ئەنەناس، قۆخ، پڕتەقاڵ، بیبەری شیرین، برۆکلی، خەیار و کاهوو.