بەهێزبوونی بەرگری جەستە، ڕێگری توشبوون بە نەخۆشییەکان دەکات، بەشێک لە خۆراکەکان یارمەتی بەهێزبوونی بەرگری جەستە دەدەن، بۆیە پێویستە بەشێکبن لە سیستمی خۆراکی ڕۆژانە.
بەپێی توێژینەوەکان، ئەو خۆراکانەی دەوڵەمەندن بە ماددە بەسوودەکان یارمەتی بەهێزبوونی بەرگری جەستە دەدەن و مەترسی توشبوون بە نەخۆشییەکان وەک، دڵ، شێرپەنجە و هەوکردنەکانی جەستە کەمدەکەنەوە.
ئەم خواردنانە یارمەتی بەهێزبوونی بەرگری جەستە دەدەن
-سەوزەواتەکانی وەک، سپێناخ، شێلم، سڵق، جەرجیر تایبەتمەندی دژەهەوکردن و ئۆکسانیان هەیە و زۆر بەسوودن بۆ تەندروستی جەستە.
هەروەها برۆکلی، قەرنابیت و کەلەرم، دەوڵەمەندن بە ڤیتامین و کانزاکان مەترسی توشبوون بە نەخۆشییەکانی دڵ و شێرپەنجە کەمدەکەنەوە و خانەکان لە هەوکردن دەپارێزن.
-ماسییەکانی وەک سەلەمون، ماکریل و سەردین، دەوڵەمەندن بە ئۆمێگا3 و تایبەتمەندی دژەهەوکردنیان هەیە، سوودێکی زۆریان بۆ دڵ و خوێنبەرەکان هەیە و پارێزگاری لە خانەکان دەکەن.
-مزرەمەنیەکانی وەک، لیمۆ، پڕتەقاڵ و سندی، بە سەرچاوەیەکی سەرەکی ڤیتامین سی دادەنرێن، ڕۆڵێکی گرنگیان لە بەهێزبوونی بەرگری جەستە هەیە و تایبەتمەندی دژەئۆکسانیان هەیە مەترسی توشبوون بە نەخۆشییەکانی دڵ و شێرپەنجە کەمدەکەنەوە.