سیر، لە بەشێکی زۆری خواردنەکانی ڕۆژانە بەکاردەهێنرێت و سوودێکی سەرسوڕهێنەری بۆ تەندروستی هەیە، هەروەها وەک چارەسەرێکی سروشتی بۆ نەخۆشییەکان بەکاردەهێنرێت.
بەپێی توێژینەوەکان، سیر یارمەتی ڕیکخستنی چەوری و شەکری خوێن دەدات و کۆنتڕۆڵی ڕێژەی کۆلیستڕۆڵ دەکات، کە هۆکارن بۆ دروستبوونی بەشێکی زۆر لە نەخۆشییەکان، بەوشێوەیە سیر ڕۆڵێکی گەورەی هەیە لە کەمکردنەوەی ئەگەری توشبوون بە نەخۆشییەکان دڵ، شەکرە و جگەر.
تایبەتمەندی دژەئۆکسانی هەیە، بەرگری جەستە زیاددەکات دژی نەخۆشی و پەتا وەرزییەکان، یارمەتی دابەزاندنی پەستانی خوێن دەدات و سوودێکی زۆری بۆ تەندروستی ڕیخۆڵە و گەدە و بەگشتی کۆئەندامی هەرس هەیە.