ئه نجوومەنی پارێزگای موسەنا بڕیاریدا چوار ڕۆژ ببێتە پشووی فەرمی لە سەرجەم دامودەزگاکانی حکوومەت لە پارێزگاکە.
ئەمڕۆ سێشەممە، 20ـ8-2024، ئەنجوومەنەکە لەبەیاننامەیەکدا ڕایگەیاند، “ئەنجوومەنی پارێزگای موسەنا بڕیاریدا دەوامی فەرمی لەسەرجەم دامودەزگاکانی حکوومەت لە پارێزگاکە، لە ڕۆژی چوارشەممە 21/8/2024 تاوەکو دووشەممە 26/8/2024 بەبۆنەی چلەی ئیمام حوسێن ڕابگرێت”.
هەر ئەمڕۆش سەرۆکوەزیرانی عێراق، محەممەد شیاع سوودانی، بڕیاریدا ڕۆژی یەکشەممەی داهاتوو، 25ـی ئابی 2024، ببێتە پشووی فەرمی لە سەرجەم وەزارەتەکان و دامودەزگا حکوومییەکان بەبۆنەی چلەی ئیمام حوسێن.
ئا:ج
