پۆلیسی فیدراڵی دەستگیرکردنی نۆ تۆمەتبار و ئازادکردنی ڕفێندراوێکی لە بەغدا ڕاگەیاند.
پۆلیس فیدراڵی لە بەیاننامەیەکدا ڕایگەیاند، “لە چوارچێوەی ئۆپەراسیۆنێکدا هێزێکی لیوای بیستەمی فیرقەی پێنجەمی پۆلیسی فیدراڵی توانیویەتی گومانلێکراوێک بە تۆمەتی ڕفاندن لە ناوچەی ‘سەعلەبە’ دەستگیر بکات و ڕفێندراوەکەش ئازاد بکات“.
لە ڕاگەیەندراوەکەدا هاتووە ” یەکەکانی فیرقەی پێنجەم توانیویانە 8 تۆمەتباری دیکە لە ناوچەکانی ‘دەسیم و شاری سەدر’ دەستگیر بکەن“.
لە ڕاگەیەندراوەکەی پۆلیسی فیدراڵی ئاماژە بەوەشکراوە کە “هێزێکی لیوای بیستەم ئۆپەراسیۆنێکی گەڕانیان لەسەر چەکی بێ مۆڵەت لە ناوچەی کارگەکانی حوسێنیە ئەنجامداوەم کە لە ئەنجامدا کڵاشینکۆف، دەمانچە و 2 کۆگای تەقەمەنی دۆزرایەوە“.