دادوەر فایەق زێدان، سەرۆکی ئەنجومەنی باڵای دادوەری، ئەمڕۆ یەکشەممە پێشوازی لە عەلی فالح زەیدی، سەرۆکوەزیرانی ڕاسپێردراو کرد. لە دیدارەکەدا، زێدان پیرۆزبایی دەستبەکاربوونی لە زەیدی کرد و هیوای سەرکەوتنی بۆ خواست لە ئەرکە نوێیەکەیدا.
بەپێی بەیاننامەی فەرمی ئەنجومەنی باڵای دادوەری، فایەق زێدان جەختی لە “گرنگیی خێراکردن لە پێکهێنانی ئەنجومەنی وەزیران لە چوارچێوەی ئەو وادە دەستوورییەی دیاریکراوە” کردووەتەوە، بۆ ئەوەی حکومەتی نوێ دەست بە جێبەجێکردنی کارنامەکەی بکات.