فەرماندەیی ئۆپراسیۆنە هاوبەشەکانی عێراق، ئەمڕۆ ڕایگەیاند کە دوو هێرشی ئاسمانیی سەرکەوتوویان کردووەتە سەر حەشارگەیەکی تێرۆریستانی داعش لە قووڵایی بیابانی پارێزگای ئەنبار.
له راگەیەندراوی ئۆپەراسیۆنه هاوبەشەکاندا هاتووه: هێرشەکان لە سەرەتای بەرەبەیانی ئەمڕۆ(لە کاتژمێر ٠٢:٠٠ و ٠٢:٢٠) بەپێی زانیاریی وردی هەواڵگریی سەربازی و بە پلانی شانەی بەئامانجگرتن لە فەرماندەیی ئۆپراسیۆنە هاوبەشەکان ئەنجامدراون.
ئۆپەراسیۆنه هاوبەشەکان ئاشکرای کرد: دەستبەجێ دوای هێرشەکان، هێزێکی هاوبەش لە فیرقەی پێنجی سوپا و هێزە پاڵپشتەکان بە سەرپەرشتیی فەرماندەی فیرقەکە، چوونەتە شوێنی بۆردومانەکە بۆ پشکنین و کێوماڵکردنی ناوچەکە.
فەرماندەیی ئۆپەراسیۆنه هاوبەشەکان جەختی کردەوە کە هێزە ئەمنییەکان لەسەرجەم پێکهاتەکانیاندا بەردەوام دەبن لە ڕاوەدووڕان و لەناوبردنی پاشماوەکانی تێرۆریستانی داعش لە هەر شوێن و دۆڵێک بن، تا کۆتاییهێنان و هەڵکێشانی یەکجاریی ڕەگی تێرۆر لە پێناو پاراستنی ئاسایش و سەقامگیریی هەمیشەیی عێراق.